الحقيقه الكامله والخفيه وراء تكسير اعلانات تموره ع الصحراوى

لحكايه ومافيها بقى من الآخر تامر حسنى هو نفسه اللى كسر اعلاناته على الطريق الصحراوى حد هيقوللى هو فى حد عاقل يضر نفسه !!
هقولكوا اه لو كانت ليه مصلحه بمعنى الاعلانات اتكسرت يوم حفلة عمرو دياب فى مارينا يبقى بدون شك كل اللى بيفهم واللى مبيفهمش واللى بيفكر واللى مبيفكرش هيقول اللى عمل كده جمهور عمرو وكده يكون تامر كالعاده (بيحكها) مع عمرو دياب ده غير الصحافه المأجوره والمواقع الفنيه الكبيره زى موقع ام بى سى اللى بياخد تمويل شهرى من محسن جابر وتامر حسنى لتلميع تامر هينشر خبر زى كده ويحاول يعمل بلبله
ومن الناحيه التانيه يساعدهم تامر بأنه بيصرح انه بيتهاجم من ناس مجهولين وبكده هو اكتر شخص مستفيد لأن أغلب الجمهور هيقول يا حراام عمرو بيحارب تامر وكالعاده بيحاول باى طريقه يكسب تعاطف الجمهور معاه... واللى يأكد كلامنا ده هما سؤالين

أول سؤال ليه لما عمال شركة الدعايه شافوا اشخاص مجهولين بيكسروا الاعلانات محاولوش يمنعوهم او حتى يبلغوا الشرطه او حتى يلاحقوهم بالسيارات او بأى طريقه بحيث يكون فى محاوله للقبض على المجهولين لأن استحاله تكسر اعلانات هيتم فى وقت قياسى كده ده على الأقل كل اعلان مش هياخد اقل من 5 دقايق ودى فتره كافيه ان يبقى فى تحرك سريع خاصة ان الطريق الصحراوى مؤمن كويس وكل مسافه فى عربيات شرطه
وانقاذ

تانى سؤال ليه تامر مطلعش اتكلم او صرح وقت تكسير بانرات اعلانات بيبسى فى شوارع القاهره وقتها بالرغم ان اللى حصل كان من الجمهور العادى وفى وضوح النهار؟؟ .. اجابة السؤال التانى واضحه جدا وهى ان وقتها مكنش فى اى دليل يثبت ان اللى عمل كده هو جمهور عمرو انما فى الحاله الأولى وهى تكسير الاعلانات على الطريق الصحراوى فالتهمه هتكون لابسه جمهور بالذوق او بالعافيه لأن تامر اختار التوقيت ده بالذات عشان هو نفس يوم حفلة عمرو بس للأسف كشفنا ملعوبك يا حبسجى

اخر حاجه وهى اكتر حاجه مضحكه فى الموضوع كله وتثبت ان تامر نفسه مفبرك الموضوع ده كله وهو التصريح ده واللى تنشر على النت اللى بيقول
--
" تلميح تامر اكده أحمد رضا رئيس شركة كفر ميديا اتهم صراحة عمرو دياب وقال ان الاشخاص الذين قامو بالتحطيم أعلنوا بان هذه البنرات لا يجب أن تكون موجودة أثناء مرور عمرو دياب لإحياء حفلته بمارينا وان البنرات التي يجب أن توضع بنرات عمرو دياب فقط مما يؤكد بان هؤلاء الأشخاص من طرف دياب نفسه "
--
دلوقتى فلنفترض ان عمرو دياب مثلا هو اللى مأجر الناس دى وده شيىء مستحيل طبعا بس لو افترضنا مثلا
هل هيكون شخص رايح يعمل جريمه ويقول للضحيه انا جاى من طرف كذا
بجد حاجه غبيه اخر حاجه وتدل ان الموضوع كله متفبرك من البدايه للنهايه

لكن يبقى فى النهايه جمهور عمرو دياب هو أعظم جمهور فى تاريخ الفن العربى

للأسف يا تموره المره دى انت .. معرفتش تلعبها صح

ملطوووووووووووش

» الحقيقة وراء موقع شباب اخر حاجه