يوميات نور من تاليفى

القصه من تاليفى كل فتره هعمل حلقه بس يارب تعجبكم

لانها لو عجبتكم هكمل الحلقه التانيه

قصتنا انهارده عن بنت اسمها نور

هتدور القصه من اول مانور اتنقلت هيا واهلها لمدينه جديده غير المدينه القضت فيها سنين طفولتها

وهتقابل حاجات كتير ومواقف كتير من اول يوم

الاب : بصى ياحبيبتى شغلى وكل حاجه هنا ومينفعش نعيش فى بلد ومصالحنا وحاجتنا فى بلد

نور: فاهمه يابابا بس ........

الاب: عارف هتقولى ايه صحابك وانك متقدريش تبعدى عنهم بس يابنتى كل حاجه بتتغير واكيد هتتعودى على العيشه هنا وهتصاحبى بنات تانيه

الام : نووووووووووووور تعالى وضبى معاايا الشقه يلا ياحبيبتى

نور: حاضر ياماما جايا بس بكلم بابا

نور: ايوه ياماما

الام : سيبانى لوحدى وواقفه رغى مع ابوكى

نور: ماما انا زهقانه ومش هقدر اعمل اى حاجه

الام : من ايه ياحبيبتى

نور: يعنى مش عارفه ان انا كنت مرتبطه اوى بالبلد القضيت فيها احلى ايام حياتى صعب انساها بسرعه

وصعب انى اتكيف مع البلد الجديده خصوصا انك عارفه كل بلد وليها شكل تانى وناس تانيه

الام: انا عارفه ان ده صعب عليكى بس ان شاء الله هتلاقى صحاب وناس كويسه

الاب :نور ايه رايك اخدك افسحك انهارده فاضل يومين والاجازه تخلص وتبداى دراسه

نور: ياريت يابابا

فعلا نور خرجت مع باباها زى ماوعدها انوا يفسحها خرجوا وركبوا العربيه وبعد كده مشيوا فى طريقهم للحديقه العامه

وكان فى نية الاب ان نور تتعرف على بنات او ولاد فى سنها علشان متحسش بالوحده

ووصلوا ودخلوا فعلا الحديقه واول مادخلوا شافت وائل وهوا بيلعب

وائل ده بقى حكايته حكايه بيحب اى بنت تشوفه تقع فى حبه ويبقى روش ادامها وبيرسم نفسه اوى وكمان بقى رياضى ووسيم والبنات بتتمنى يبصلها بصه

نور : فى سرها اول حد اشوفه واتمنى انى اكلمه

وحصلت خناقه فى الحديقه وابوا نور دخل فيها وبعدين نور مشيت ونسيت باباها خالص

نور: صحيح بابا نسيته خالص ومش عارفه هوا فين امممممممم ادور عليه فين دلوقتى ياترى اسال الواد الهناك ده ولا ادور عليه انا

نور: ممكن لو سمحت ياااا

وائل : وائل اسمى وائل فى حاجه يااااا

نور: ههههههههه انا نور

وائل: عاشت الاسامى ياقمر اؤمرى

نور: انا مش من هنا بس لسه ناقلين من كام يوم

وبابا كان مواعدنى انوا يفسحنى وحكت القصه كلها

وائل: طيب يانور مفهمتش حاجه

نور: اهىء هاىء اهىء

وائل: انا اسف بس مش فاهمك مالك

نور: بابا مش لاقياه ومش هعرف ارجع البيت لوحدى

وائل: دا حظى

نور: نعم

وائل : اصدى انى اتعرف بيكى واكيد هوصلك بس تعرفى المكان بالظبط اسمه ايه او اى حاجه شفتيها جنب بيتكم تعرفى اسمها علشان اعرف هوا فين واوصلك

نور: اممممممممممممممم مش عارفه ومش فاكره

وائل :خلاص يانور انا هقعد معاكى هنا لحد ما

باباكى يوصل

نور: لا شكرا اتفضل حضرتك وانا هستنى عادى

وائل : لا ابدا

نور: معلشى بس هتعبك كده واكيد وراك مواعيد

وائل:لا ابدا خالص

تلفون وائل رن بااغنية سنين وانا بحلم ابقي معاك

سنين من عمري بستناك

ولما حبيبي شوفت عينيك

بقيت يا حبيبي ملك ايديك

نور: الله الله ايه الرومانسيه دى بس

ايامي معاك انا عايش علشان بهواك

انا عاشق وبموت في هواك

انا ناسي في حضنك انا مين

جوايا غرام

وائل: الو ايوه ياحبيبتى وحشانى اخبارك ايه

امممممم مش عارف ظروفى ايه بس موعدكيش انى اسافرلك بكره

لالالا متجيش ياروحى مش عايزك تتعبى انا هبقى اجيلك بس هشوف ظروفى واحدد يوم اجيلك فيه

يلا سلام ياقلبى اصل معايا واحد صحبى رخم اوى ومتطفل

سلام

نور: الللللللللل مين الصاحبك قاعد جنبك ومتطفل

وائل : ههههه سورى بس انا حبيت اوزعها بس علشان اتكلم معاكى شويه قبل ما والدك يرجع وياخدك

واحتمااال

ورن التلفون تانى

نور: يارناتك تانى !!!!!!!

وائل : ههههههه الو شوشو وحشانى موت ياحبيبتى انتى اكتر حد بيوحشنى

اجيلك ازاى بس مش هينفع انهارده ورايا ماتش وناوى اغلب فيه بس ماتش زى العسل

ادعيلى امممممممممم اكيد ياروحى هجيلك بكره انا اقدر اتاخر

يلا سلام ياقلبى اصل الكابتن جه جنبى وانا عايز احتفظ بكلامنا لينا وبس ومحدش يسمعنا الا الوسيط البينا الفون ده الحاجه الوحيده بعد ربنا الشاهد على حبنا

سلام ياروحى

نور: يالهوى اتنين هات التليفون كده

وائل : ههههههه ايه هتعملى ايه

نور: لا اكيد مش هعمل حاجه هات بس

وائل : خدى

نور: التلفون رن تانى هرد انا هههه

وائل: لالالالالالالالالالالالالالالا هاتى هضيعى منى رقم 23

نور: الو

البت : الو وائل

نور: وائل مين انتى مش ملاحظه فرق الصوت

البت : ههههه طيب ياوائل شكلك نايم هتصل عليك وقت تانى سلام

نور: وائل دى افتكرتنى انت

وائل :الحمدلله ياااااااااه

وائل : انتى كنتى بتقولى اقوم من شويه علشان هتتعبينى معاكى امشى انا بقى

نور: وتسبنى لوحدى هيا دى الرجوله

وائل : اعملك ايه

نور شكلها كان حزين فقال امرى لله وقعد معاها

وائل: طيب قليلى انتى فى مدرسة ايه

نور: انا من مدرسة نور الحياه

وائل : الله الاسم جميل اول مره اسمع عنها

نور: لانى لسه مقدمتش

وائل : امال ايه نور الحياه

نور: اممممممم هوا هوا

وائل: ايه

نور: شارعنا اسمه نور الحياه

وائل: يابنت الاييييه وانا ماخدتش بالى ومعطلانى دا كله معاكى

ابوا نور جه وكان وائل مدايق من نور بس على اد مادايق من القاعده منغير بنات

على اد مهوا كان سعيد انوا اتعرف بيها لانها غير كل البنات العرفهم

الاب: نور

نور: بابا

وائل: انتى هتمشى

نور: ايوه انا اسفه اوى لانى عطلتلك معايا وغمزت بعنيها ليه ومشيت مع باباها

وائل: وقف يبصلها وهيا ماشيه وكان مدايق اوى انها هتسيبه

وممكن مايشوفهاش تانى

نور وصلت بيتهم وقعدت مع مامتها وكانت مابصوته اوى ومبتسمه

الام : ياحبيبتى كان نفسى اشوف الابتسامه دى على وشك اول ماجينا بس انهارده فرحت اوى لما شفتها

نور: ماما بااب دا عسل اوى وبحبه اوى انا جعانه اوى

الاب : هههههههه يلا ياحبيبتى انتى وماماتك انا هعمل الاكل انهارده بنفسى وهتشوفوا اكلى لاول مره

الاب عمل الاكل والام ونور قاعدين مستريحين على الصفره

والاكل جه

الاب: دوقوا عمايل ادايا وحياة عنيا

نور: ماشى يابابا هاممتفوووووووووووووووووووووووووووا

الام : يالهوى مالك يانور

نور: ابدا ياماما الاكل تحفه دوقى

الام : هيا الاكله دى عباره عن ايه

الاب: بصى ياحبيبتى انا قلت ادخل اعملكم الاكل والكتاب ضاع محبتش اكسف نفسى قلت والله لهعمل اكل حلو يستاهل بؤهم ولقيت فول وزيت وسكر وملح وفلفل وبصل وتوم وخل وبطاطس وبطاطا وقرنب ولحمه فى التلاجه وجبنه

وعملت خليط يستاهل بؤكم تحفه

.نور وامها تنحوا وسابوه وهوا لسه بيكمل كلامه هوا حط ايه وايه وايه

ودخلوا يناموا

نور نامت وكانت بتفكر فى وائل وانها ممكن تقابله تانى ولا مش ممكن

نور: ياترى هشوفه تانى

وائل فى بيتهم داخل بعد الفجر

مامته : وائل كنت فين

وائل : ياامى من امتى بتسالى انا كان عندى ماتش وبعدين قابلت بنت حلوه اوى

مامته : يابنى حرام عليك بنات الناس مش لعبه عيب عليك كده دى مش التربيه الربيتهالك الناس تقول ايه

وائل : والله ياامى كل الحكايه انها دخلت دماغى اكتر من اى واحده قابلتها قبل كده بس اطمنى مش هشوفها تانى

ودخل ينام وجاله رنه قفل التلفون خالص وكان مدايق اوى

مامامت نور: نور يلا يابنتى اصحى علشان تلحقى المدرسه

نور: افففففففففف طيب حاضر

نور: قدر ومكتوب

الام: يانوووووووووووووووور

نور: حاااااااااااااااااااااااضر

نور: صباح الخير ياماما

الام: صباح النور

الام : يلى البسى بسرعه علشان اتاخرتى ودا اول يوم

نور: خلاص انا دالخه البس

الاب: تعرفى يافهيمه ان نور حالها متغير من امبارح وشفت ابتسامه على وشها زى ابتسامتك يوم ماشفتك قبل الجواز لاول مره

فهيمه الام: بلاش بقى ياخويا بتكسفنى

الاب: بكسفك ايه انا بقول على البنت

الام: الله يكسفك وانا فاكراك بترجع الذى مضى

الام : بس فعلا ياخويا ملاحظه عليها كده بس ياريت تكون بتحب

نور: خلصت خلاص يلا بقى حد يوصلنى

الاب : يالا ياكتكوته انا هوصلك

نور : يابابا انا كبيره مش كتكوته يلا بقى

ركبت العربيه هيا وباباها ونزلوا عند المدرسه ودخلت

نور: سلااااااااااااااااام يابوب

باباها : ههههه سلام

نور اول مادخلت كان طبيعى ان المس الفى الفصل تعرفها على الفصل

والمس جت وقالت: نور اقفى هنا وعرفى نفسك

نور اتكسفت

نور: انا نور 17 سنه

وحيدة ماما وبابا

اممممم

المس : طيب ياقمر تحبى تقولى ليهم حاجه

نور: اتمنى انى اكون صديقه ليهم ويعتبرونى اختهم

الصدفه ان بوسى وشوشو وبسبوسه فى فصلها الوائل يعرفهم

بوسى وقفت: امممممم معتقدش ان اى حد فى الفصل هيصاحب اى واحده كده على طول

المس: عيب يابوسى

نور: انا عارفه يابوسى وعلشان كده بقول اتمنى

بوسى اتكسفت وقعدت مكانها

ان شاء الله فى الحلقه الجايه هقول ايه الحصل

جامدة موووووووووووووووووووووووووووووووت
يلا ف انتظار باقى الاجزاء
بس بجد قصة جااااااااااااااااااااااااااااامدة
تعيشى وتبدعى ياقمر

تسلمى يا قمر والله قصه جميله ياريت تكملى القصه

ميرسى ياكوكو انتى وميدو
وان شاء الله هكملها قريب اوى

قصه جميله تسلم ايدك

العفو ياقمرى ع اية بس
يلا ف انتظار باقى القصة بسرعة بسرعة بسرعة

روووووووووووووووووووووووعه ياقمرايه
كملى ياحبيبتى

السلام عليكم و رحمة الله و بركاته
ما شاء الله
جميلة يا سكر
عايزين من دة كتير
و إوعي تتأخري علينا في باقي الحلقات
فاهمة ولا ؟؟
يلا يا حبي
السلام عليكم و رحمة الله و بركاته
في رعاية الله

تحفه تحفه

ف انتظار المزيد

قصه جامد اخر حاجه
وفي انتظار الحلقه الجايه ان شاء الله
دام تميزك وابدعك

الحلقه 2
بوسى قعدت مكانها وهيا مدايقه لانها كانت مغروره اوى
واول ماشافت ان كل الفصل حب نور وشافوا براءتها وطيبيتها الباينه على وشها
ادايقت اكتر وجت جنب شوشو وبسبوسه صحابها

بوسى: انتوا مش شايفين ان البت الجديده دى واخده اهتمام زياده عن اللزوم هيا بنت مين دى
شوشو: لا مش اهتمام زايد ولا حاجه بس هيا فعلا بنت زى القمر وتتحب
بوسى : انتى بتقولى ايه
شوشو : مابقلش حاجه
بوسى : امممم افتكرت انك قلتلى حاجه
بسبوسه :زرونى كل سنه مره حرام تسنسووووووووونى بالمره حرام تنسونى بالمره انا عاملت ايه فيكم تتتتتتتتت
بوسى: بت
بسبوسه: تتت نعم
بوسى :انا بكلم نفسى انتى مش معانا فى الحوار
بسبوسه : سيبك من البت الجديده متهمناش فى حاجه قوليلى وائل بيكلمك ؟
بوسى : وائل كلمنى وقلى الو شوشو تفتكرى شوشو بتكلمه دا غلط فى اسمى وقال شوشو
بسبوسه : اكيد ياحبيبتى خصوصا شوشو الايام دى حالها مش عاجبنى ومش بتحب تقف فى صفنا
بوسى: عارفه لو فعلا شوشو ووائل بيخنونى والله لهوريهم وشى التالت
شوشو : انا سمعت كل حاجه وعارفه ان انتى شكاكه والبت دى كمان زباله انا غلطانه انى عرفتكم
وعلى فكره وائل بيكلمنى وكان بيشتكيلى منك ارتحتى يابومه انتى والتانيه

[b]بوسى وبسبوسه اديقوا وزعقوا ومسكوا شوشو ضرب فى الفصل جت البنات والمس وزعقت وحلت المشكله
لانهم كانوا بيزعقوا وسمعت اسم وائل فى النص

[b]المس: وائل مين يابنات البتتخانقوا بسبه
شوشو: دا يامس امممممم
المس : انتى بتفكرى مين ده
بوسى : دا خطيبى يامس
بسبوسه طبعا هيا كمان بتحب وائل وعامله فيها دور البتحب صاحبتها
بسبوسه: ايوه يامس خطيبها بس فى الاجازه ان شاء الله هنعزمك هيهيهيهيهيهيهيهيهيه
المس : خلاص انتمبقالكم سنين مع بعض مش علشان حاجه هايفه تخسروا بعض
شوشو : يامس انا خلاص هسيبهم لانهم شكوا فيا ومينفعش اصاحب ناس بتشك فيا بالطريقه دى
شوشو : نووووور انا هقعد جنبك انهارده
نور: اتفضلى ياشوشو
شوشو: شكرا يانور
شوشو: عارفه يانور انا ارتحتلك اوى اول ماشفتك
نور: وانا كمان ربنا اليعلم بس ادايقت شويه لما لقيت بوسى بتكلمنى بالطريقه الكلمتنى بيها هيا وبسبوسه
شوشو: ماتزعليش منها وسيبك من الكلام ده الشله بتاعة بوسى دى شلة مش كويسه و كويس انها مش حباكى علشان متبقيش من ضمن شلتها

[b]نور: وانتى مش معاها

[b]شوشو: لا خلاص حصل بينا مشاكل ومينفعش نبقى صحاب بعد كده وسيبك من دا كله
وقليلى انتى منين

[b]نور قلتلها انها نقلت وحكتلها كل حاجه وشوشو كمان حكتلها كل حاجه عن نفسها
وبقوا من اليوم ده صحاب اوى وطبعا بوسى مستنيه اليوم التبعدهم عن بعض

[b]نور مشيت هيا وشوشو وشوشو اخوها جه علشان ياخدها كان اسمه على وعنده 20 سنه وكلية تربية رياضيه وبيحب الكوره اوى زى وائل وعلى فكره نسيت اقلكم ان وائل عنده 22 يعنى اكبر من نور ب5 سنين

[b]على : شوشو ايه يابت اتاخرتى ليه
شوشو: سورى ياعلى اصل المس كانت بتشرح واندمجنا معاها اوى ومخدناش بالنا من الجرس وافتكرناه جرس البنين
على : اوك اعديها معانى استنيت كتير
على مقلتليش مين صحبتك القمر دى
نور ابتست
شوشو: بطل ياواد دى بقى انتيمى من انهارده بس مش زى اى حد دى بجد محترمه ومش بقول كده علشان ادامها بس هيا ونعم الصديقه يعنى اسم على مسمى بنت صافيه اوى من جوه
نور: ايه ايه بس دا كله
شوشو : يابنتى انا مقلتش حاجه لسه
على : اول مره تختارى صح
على : فرصه سعيده يانور
نور:انا اسعد يا على
على وهوا ماشى هوا شوشو وقع ورقه مكتوب فيها تلفونه وايميله وكل حاجه عنه
نور خدتها وشافت الرقم
نور: هههههههههههههههه
نور: على شوشو
على : ايوه
نور: الورقه دى وقعت منك بس افتكر انها ورقه ملهاش لزمه
وقطعتها

[b]على : ابتسم لان اول مره بنت تعمل كده معاه خصوصا ان البنات بتضعف ادام وسامته وصوته

[b]حظ نور انها كان اى ولد او شاب بتتعرف عليه بتكون البنات هتموت عليه
بس نور مكنش فى دماغها ابدا

[b]نور رجعت للبيت وحكت لمامتها على كل حاجه قابلتها فى اليوم ده

[b]نور نامت وهيا كل تفكيرها فى وائل ومش قادره تنساه
عرفت ان ده الحب رغم انها عارفه ان وائل حوليه البنات كتير الا انها حبته وقررت ان حبها ليه تكتمه وماتصرحش بيه لاى حد ولا حتى وائل لو صدفت وشفته

[b]نور: صباح الخير ياماما
الام : يلا بقى افطرك
نور: لالا مليش نفس خالص
الام : ليه بس
نور: هاكل وانا ماشيه من اى مطعم متقلقيش

[b]نور خرجت
الاب: يلا اوصلك
نور: لالا انا بقيت عارفه المكان كويس وهوصل المدرسه عادى وعايزه امشى لوحدى شويه
الاب: ماشى ياحبيبتى بس خدى بالك من نفسك
نور: يلا سلام

[b]نور ماشيه بتكلم نفسها
نور: وائل وائل وائل

[b]حد معدى من جنبها: لا حول ولاقوة الا بالله

[b]نور: ههههههه سورى ياعم

[b]الراجل: مالك يابنتى
نور: لا مفيش ابدا بس بفتكر اسم حد معين
الراجل : انا افتكرتك تعبانه طيب اى مساعده او حاجه
نور: فى مطعم قريب من هنا؟
الراجل : تعالى انا هوديكى

[b]وهيا ماشيه شافت مين مين مين
لالا طبعا مش وائل شافت على

[b]ماشى وكان شكله مدايق اوى ودخل المطعم الدخلت فيه
وقاعد حزين اوى
نور: اروح اشوف ماله ولا يبقى تدخل اممم
على شافها وابتسم نوووور
نور: على ازيك
على : الحمدلله
نور: شايفاك مدايق مالك لو ميعتبرش تدخل منى
على : لا ابدا والله بس مش عايز ازعجك
نور: من ايه داانا حتى خارجه بدرى انهارده ولسه بدرى ع المدرسه
على :خلاص وقت تانى احكيلك لانى مخنوق اوى دلوقتى يلا انا هوصلك المدرسه
نور: ميرسى بس اممم
على : لالا هوصلك يلا
وهما ماشين
على : انا اول مره اشوفك الصراحه حسيت بطيبه وحنيه نحيتك
نور: ربنا يخليك
على: وانتى محستيش بحاجه
نور: لا حسيت
على: ايه طيب
نور: لالا افتكرتك مرتبط بشوشو
على: شوشو مين يلا بقى ال شوشو
نور: ههههههههه
نور: خلاص انا وصلت سلام
وائل كمان كان بيوصل بوسى
وائل شاف نور مع على
وهيا شفته مع بوسى
نورفرحت بس ادايقت اوى
وائل جه ناحيتهم

[b]وائل: مين ده
نور: ددددددددد

[b]الحلقه الجايه هكمل معلش الحلقه دى برده شويه بس الحلقه البعدها اجمد بكتييير

[/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b]

[b][b][b][b][b][b][b][b][b][b][b][b][b][b][b][b][b][b][b][b][b][b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b][/b]

روووووووووووووووووووووعه ياقمر
استمرى