من فضلك يا حبيبى .. طلقنى .

طلقـــــنى



بقينا نسمع الكلمه دى كتير جدا من الزوجات
زى كلمه .. فسحنى .. خرجنى
المهم ان كلهم على نفس الوزن
والاهم ان كل الكلمات دى بيتخنق منها الزوج
الا كلمه طلقتنى




زمان اما كان الزوج او الزوجه او احد اطراف العائله بيسمعوا كلمه الطلاق دى
كان بيبقى الرد ..الكلمة دي متقلتيش في عيلتنا قبل كدا
لكن دلوقتى مفيش اسهل من دى كلمه بتتقال
تبقى البنت ماشيه فى الشقه .. بكل براءه طلقتنى يا حبيبى
وهو كمان يحلف ويقول لو معملتيش ... كذا لمش هتباتى على ذمتى النهارده



طيب ده كلام يا جماعه
بالاخص كمان فى ايامنا دى بنسمع الكلمه دى كتير فى اول سنه جواز
لان الزوج فى فتره الخطوبه بيبان الحمل الوديع
والزوجه كمان بتبان ان مفيش بنت فى رقتها ولا فى جمالها
لكن اعتقد لو كان فى صراحه فى المعامله من الاول
مكناش هنسمع الكلمه دى بالشكل البشع والمتكرر ده
الغريب ان فى معظم البرامج الدينية التى تكون مباشرة على اهواء 90 فى المائة من المشاكل والمكالمات التليفونية ان واحد حلف بالطلاق على زوجته مرتين ثلاثة
وواحد تانى قال لها انك حرام عليا
ما هذا الاستهتار
هل الزواج لعبة
هل كلمة الطلاق سهلة لهذه الدرجة



والمشكله كمان لما بيكون عندهم اطفال مش بيهمهم الاطفال دول هيبقى مصيرهم ايه
وهيعيشوا ازاى وسط ام واب منفصلين .. وكل ده للاسف بيأثر على الاطفال تأثير سلبى
وبيعرضهم لمشاكل نفسيه كتير جداً .. احنا فى غنى عنها



تفتكروا من وجهه نظركم ايه اللى المفروض على الزوج والزوجه انهم يعملوا
علشان يكونوا فى غنى عن سماع الكلمه دى ولو حتى على سبيل المزاح ؟
بأنتظار ارائكم

فعلا الموضوع دة مهم جداااااااااااااااااااااااا
وبقى شائع اوى اليومين دول
وزى ما انتى قلتى المفروض يكون فية صراحة متبادلة بين الطرفين م اول فترة الخطوبة
بس بجد مش عارفة يعملوا اية عشان يقللوا نسبة الجملة دى لان متهيالى ان خلاص اتعودم عليها بقت زى صباح الخير !!!!!!!!!